الأسئلة الشائعة

اختر من هذي الأسئلة وراح تلقى الإجابة
تواصل

ايش الأشياء المطلوبة عشان أطلب شريحة؟

نحتاج بس يكون عندك حساب في أبشر وعنوان وطني

كيف أفعل شريحتي الجديدة؟

من الصفحة الرئيسية :
1- اختار "طلب / تفعيل"
2- اختار تفعيل
3- اختار فعل ال SIM
4- اختار "صور الباركود " او "ادخل الرقم يدويا"

و خطوات بسيطة وراح يوصل لك اشعار بنجاح تفعيل الشريحة!

أقدر أختار الأرقام اللي أبيها؟

تقدر تختار الرقم اللي يعجبك من قائمة الأرقام اللي بتظهر لك 

فيه فروع لياقوت؟ 

فروعنا بكل جوال .. تطبيقنا هو فرعنا 

شريحتي ضاعت وابي اطلع شريحة بديلة ؟

. أول شئ لازم توقف شريحتك السابقه، و بعدها بتقدر تطلب الشريحة البديلة و بتكون على نفس الباقة
تقدر تستبدل شريحتك من الاعدادات- اعدادات الشريحة- تحكم بشريحتي - شريحة بدل فاقد

أبغى أرجع أفعل شريحتي؟ 

يا هلا والله باللي رجع، كمل الخطوات السهله عشان ترجع تفعل شريحتك

كم مدة صلاحية الشريحة؟

شريحتك بتكون مفعله اذا كنت تجددها ، بس إذا مر 90 يوم بدون اي تجديد للشريحة راح تصير ملغية

كيف افعل شريحة esim على اجهزة اiPhone ؟

بتقدر تفعل شريحة الـeSIM مباشرة وبسهولة بعد ماتدفع رسوم باقتك ونتأكد من حسابك في أبشر، وتختار "يلا بفعلها" وتربطها بجهازك الحالي

كيف افعل شريحة esim على اجهزة اiPhone بشكل يدوي؟

بعد ماتدفع رسوم باقتك لشريحة الـeSIM، بنرسل لك ايميل بالـQR Code اللي بتحتاجه وقت التفعيل، وهذي هي الخطوات
1- تأكد ان جهازك يدعم شريحة الـeSIM
2- روح لصفحة الإعدادات في جهازك الثاني
3- اختر خلوي
4- اختر اضافة خطة خلوية
5- صور الـQR Code الموجود تحت
*تأكد انك فاتح الايميل في جهاز ثاني عشان تقدر تصوة الباركود من جهازك
*تأكد انك متصل بالانترنت وقت التثبيت

كيف افعلها على أجهزة Android ؟

بعد ماتدفع رسوم باقتك لشريحة الـeSIM، بنرسل لك ايميل بالـQR Code اللي بتحتاجه وقت التفعيل، وهذي هي الخطوات
1- تأكد ان جهازك يدعم شريحة الـeSIM
2- روح لصفحة الضبط
3- اختر الاتصالات
4- اختر ادارة بطاقة SIM
5- في قسم الـeSIM اختر اضافة بطاقة الهاتف
6- اختر اضافة باستخدام QR Code أو عن طريق نسخ رمز التنشيط
*تأكد انك فاتح الايميل في جهاز ثاني عشان تقدر تصوة الباركود من جهازك
*تأكد انك متصل بالانترنت وقت التثبيت

وش هي شريحة الـeSIM ؟

هي عبارة عن شريحة اتصال تصير داخل لوحة الام بالاجهزه الذكية، ماعاد يحتاج دبوس عشان تدخل الشريحة او تطلعها

حاولت افعل شريحة esim و ماقدرت ؟

ولا يهمك، اول شي تأكد انك طبقت طريقة التفعيل صح، اذا تاكدت و واجهت خطأ زودنا برقم كود التفعيل مع صورة الخطأ على الايميل و ماراح يصير خاطرك الا طيب

هل اقدر اركبها على اي جهاز ؟

ايه تقدر، بشرط يكون هالجهاز يدعم شريحة الـeSIM

اقدر احول شريحتي العادية الى esim ؟

من صفحة الاعدادات-اعدادات الشريحة – تحكم بشريحتي -تحويل الى شريحة eSIM- تابع الخطوات و راح يتم تحويل شريحتك..

هل كل الباقات تدعم الـeSIM؟

ايه، كل باقاتنا تدعم شريحة الـeSIM

ايش الأجهزة اللي تدعم الـeSIM؟

جهزة Apple المدعومة بالـeSIM:
Iphone xs,Iphone xs max, iPhone XR, iPhone 11, iPhone 11 Max ,iPhone 11 Pro, iPhone 11 Pro Max
أجهزة Android المدعومة بالـeSIM:
S20, S20+, S20 Ultra, Galaxy Fold, Galaxy Z Flip

ايش الفرق 5G عن 4G ؟

الفرق كبير! 4G سرعتها توصل: 100Mbps 5G سرعتها توصل: 1000Mbps

اذا شريحتي ياقوت لازم اخذ شريحة جديدة عشان 5G؟

ماراح تحتاج شريحة جديدة، تقدر تاخذ الباقة بنفس شريحتك

وش السرعة المتوقعة لل5G

اسرع من 4G تقريبا بــــــــــــــ 10 مرات

كيف اعرف اذا منطقتي مغطية بالجيل الخامس؟

ولايهمك شيك اذا كانت خدمة الـ 5G متاحة حاليًا في منطقتك من خريطة التغطية.

خدمة 5G مو موجودة عندي وش بيفرق في استخدامي؟

لا تخاف، إذا ما كانت شبكة 5G متوفرة بتكون شابك بشبكتنا المتقدمة للجيل الرابع في نفس المنطقة

كيف اشتري إضافة؟

بكل سهوله، اختر  نوع الإضافة اللي بمزاجك من متجرنا و راح تنتقل لصفحة الدفع

كيف افعل باقة التجوال؟

أول شي تختار باقة التجوال اللي تناسبك من متجر ياقوت وبتتفعل معك على طول بعد ما تشتري الإضافة

ايش أنواع الباقات الموجودة؟

عندنا باقات متنوعة تقدر تختار منها الباقة اللي تناسبك تفضل وشوف

هل باقة التجوال والباقة الدولية مدعومة لكل الدول؟

تفّضل اطلع على كافةالدول المدعومة عنندنا لباقة التجوال والباقة الدولية

اقدر اختار إضافة وأنا شريحتي مو ياقوت؟

كل إضافاتنا مخصصه لشرائح ياقوت، ليش ماتنورنا ؟

كم مدة باقتي؟

باقتك بتكون مفعلة لمدة 30 يوم من يوم تفعيل الشريحة

هل أقدر استخدم التطبيقات اللا محدودة خارج السعودية؟

استخدام تطبيقات الامحدودة يكون داخل السعودية فقط 

كيف اغير التطبيقات الامحدودة؟ 

من خانة التطبيقات الامحدودة الموجودة بأسفل صفحة استخدامك، حدد التطبيق اللي ودك تغيره وأكمل الخطوات، والتغيير ماراح يصير بنفس الوقت، بيكون مع تجديد باقتك الشهر الجاي 

إذا غيرت التطبيقات الامحدودة، تتغير بنفس الوقت ؟

 التغيير ماراح يصير بنفس الوقت، بيكون مع تجديد باقتك الشهر الجاي 

كيف اجدد باقتي تلقائياً ؟ 

عشان نجدد لك باقتك تلقائيا، تأكد أن معلومات بطاقتك محفوظة عشان تريح نفسك و التجديد بيكون تلقائيا من عندنا.. وإذا غيرت رأيك، من صفحة الإعدادات تقدر توقفها أو تفعلها بأي وقت 

ودي احول كل المكالمات؟

إذا ودك تحول كل المكالمات اللي توصلك سواء كان جوالك مغلق أو مفتوح
- للتفعيل اطلب #رقم الجوال اللي تبي تحول المكالمات عليه*21** بعدين اضغط (اتصال)
- للالغاء اطلب ##21# بعدين اضغط (اتصال)

تبي تحول كل المكالمات اللي تجيك وخطك مشغول؟

ولايهمك ماراح يفوتك شي تقدر تحول المكالمات وخطك مشغول
- للتفعيل اطلب #رقم الجوال اللي تبي تحول المكالمات عليه*67** بعدين اضغط (اتصال)
- للالغاء اطلب ##67# بعدين اضغط (اتصال)

كيف احول المكالمات اللي ما قدرت ارد عليها؟

ودك تحول المكالمات الللي ما تم الرد عليها
- للتفعيل اطلب #رقم الجوال اللي تبي تحول المكالمات عليه*61** بعدين اضغط (اتصال)
- للالغاء اطلب##61# بعدين اضغط (اتصال)

تحويل المكالمات لا صار صعب الإتصال فيك!

إذا ودك تحول المكالمات اللي توصلك وما كان عندك شبكة أو جوالك مغلق ...إلخ
- للتفعيل اطلب #رقم الجوال اللي تبي تحول المكالمات عليه*62** بعدين اضغط (اتصال)
- للالغاء اطلب ##62# ثم اضغط (اتصال)

مابي يفوتني اتصال كيف اشغَل إشعار بكل المكالمات؟

ولا يهمك راح توصلك رسالة نصية عن كل المكالمات الواردة
- للتفعيل اطلب 1725#*21** بعدين اضغط (اتصال)
- للالغاء اطلب ##21# بعدين اضغط (اتصال)

وش الدول المدعومة في باقة التجوال و الباقة الدولية ؟

تقدر تفعل هالخدمة اذا كانت خدمة إنتظار المكالمات مو مُفعّله
- للتفعيل اطلب 1725#*67** بعدين اضغط (اتصال)
- للالغاء اطلب ##67# بعدين اضغط (اتصال)

ابي افعَل إشعار بالمكالمات اللي ما قدرت ارد عليها؟

راح توصلك رسالة نصية بالمكالمات اللي ما قدرت ترد عليها
- للتفعيل اطلب 1725#*61** بعدين اضغط (اتصال)
- للالغاء اطلب ##61# بعدين اضغط (اتصال)

إشعار المكالمات لا صار صعب الاتصال فيك !! سهله شف الطريقة هنا!

راح توصلك رسالة نصية بالمكالمات اللي جتك وما عندك شبكة أو جوالك مغلق ... إلخ
- للتفعيل اطلب 1725#*62** بعدين اضغط (اتصال)
- للالغاء اطلب ##61# بعدين اضغط (اتصال)

كيف اطلب رقم جديد في ياقوت؟

تقدر تطلب رقم بكل سهوله من التطبيق
1-اختار ( طلب / تفعيل)
2- اختار( طلب شريحة)
3- اختار باقتك واضغط ( تابع )
4- اختار رقمك الجديد
و خطوات بسيطه وراح تنورنا

كيف احول رقمي لياقوت ؟

تقدر تحول رقمك بكل سهوله من التطبيق
1-اختار ( تحويل رقمك)
2- اختار( استمر)
3- اختار باقتك واضغط ( تابع )
4- بعدها اكتب رقمك اللي حاب تحوله علينا واختار مشغلك الحالي
و خطوات بسيطه وراح تنورنا

اقدر استخدم شريحتين مدمجة eSIM على نفس الجهاز ؟

للأسف لا، جميع الاجهزة ماتقبل تشغيل شريحتين مدمجة eSIM بنفس الوقت

كيف اعرف ان شريحتي المدمجة تفعلت ؟

مجرد ماتكمل خطوات التفعيل و توثق الرقم من حسابك في ابشر ( النفاذ الوطني) بنجاح راح يظهرلك اشعار بالصفحة الرئيسية بالتطبيق يوضح لك ان الشريحة تفعلت بنجاح و تحتاج فقط تثبيتها على اعدادات جهازك الخلوية عشان تظهرلك ابراجها و تشتغل معك.

كيف الغي رقمي بشكل نهائي؟

تضيق صدورنا والله أنك بتتركنا، الطريقة هي: من صفحة الاعدادات-اعدادات الشريحة – تحكم بشريحتي -الغاء الشريحة- تابع الخطوات و راح نلغي شريحتك.. نتمنى نشوفك قريب 🌹

كيف اعلق شريحتي بشكل مؤقت ؟

تقدر توقف شريحتك بشكل مؤقت من الاعدادات- اعدادات الشريحة- تحكم بشريحتي - تجميد الشريحة
ولازم تفك التجميد قبل مايعدي عليه 90 يوم عشان ماينلغي رقمك بشكل نهائي و بخصوص الباقه ماراح تتوقف مع التجميد.

كيف الغي استقبال الرسائل الدعائية ؟

لايقاف الرسائل الدعائية
ارسل stop
‬الى الرقم 705000

كيف افعل استقبال الرسائل الدعائية ؟

لتفعيل استقبال الرسائل الدعائية
ارسل‪ Start ‬الى الرقم 705000

اقدر اطلب جهاز الراوتر برقمي الحالي مع ياقوت ؟

طبعا تقدر تطلب الجهاز من خلال التطبيق و تقدر تاخذ الجهاز مع شريحة بيانات جديدة

كيف افعل شريحة البيانات على جهاز راوتر نوكيا بس مو من عندكم ؟

تقدر تفعل على جهازك شريحة بيانات عاديه
1- اختر ( طلب / تفعيل)
2- ثم ( تفعيل )
3- اختار "فعل ال SIM
4- اختار "صور الباركود" او "ادخل الرقم يدويا"
و خطوات بسيطة وراح تتفعل الشريحة
بس بشرط مايكون الجهاز مشفر وتقدر تعرف هالشي بتواصلك مع الشركة اللي اخذت الجهاز منهم.

هل شريحة ياقوت تدعم التجوال المحلي؟

شريحتنا تدعم التجوال المحلي و مايحتاج الى تفعيل فقط تأكد من ان موقعك من ضمن القرى والهجر المدعومة حاليا و الشبكة راح تتحول تلقائي الى شبكة ثانيه في حال انقطاعها عنك بشكل نهائي وليس في حالة ضعف الشبكة ،لمعالجة ضعف الشبكة تواصل معنا و زودنا باحداثيات موقعك و ابشر اللي يسرك.

عندكم خدمة التقسيط مع الاجهزة ؟

اكيد نوفرلك خدمة التقسيط، كل اللي عليك تدخل على الاجهزة من المتجر-تختار الجهاز ثم اطلب الان-وحدد موقعك و عبي بياناتك واختار وقت للتوصيل بعدها راح تظهرلك صفحة الدفع,اضغط "اختر" من خيارات الدفع بعدها اضف بطاقة جديدة, بعد ما تنضاف بطاقتك اختر خيار(دفع بالتقسيط الشهري) وبيكتمل طلبك وخطة التقسيط راح تظهرلك بحسب البنك المختار والبنوك المعتمدة هي الجزيرة-البنك الاول- ساب- الرياض- بنك الامارات دبي الوطني

كيف اختار الباقه مع الجهاز ؟

بتقدر تختار الباقة بعد ما يوصلك الجهاز و تبدأ خطوات تفعيل الشريحة.

كيف اعرف اذا منطقتي مغطية بالجيل الخامس ؟

ولايهمك شيك اذا كانت خدمة الـ 5g
متاحة حاليا في منطقتك من الرابط التالي: https://sa.zain.com/ar/5g-coverage

وش الفرق بين باقة التجوال و الباقة الدولية ؟

باقة التجوال تفعلها وتستخدمها خارج المملكة و الباقة الدوليه تستخدم بالمكالمات الدولية من داخل المملكة

اقدر استقبل تطبيقات لامحدودة كهدايا على باقة البيانات ؟

شريحة البيانات ترسل تطبيقات لامحدوده بس ماتستقبل

ليش الهدايا اللي وصلتني ماتشتغل ؟

ودنا تتأكد ان عندك باقه فعاله عشان تستفيد من الهدايا وتشتغل معك

كيف اكلم دولي من داخل السعودية ؟

تقدر تكلم دولي بشريحتك من داخل المملكة بعد ماتشتري الباقة الدولية من المتجر- الاضافات

كيف اخفض باقتي ؟

من المتجر تختار الباقة الاقل من باقتك الحالية و تكمل الخطوات و الباقه بعد التخفيض راح تتجدد لك مع الشهر الجديد

كيف ارقي باقتي ؟

تقدر تسوي لها ترقيه باختيارك للباقه الاعلى من المتجر و مجرد ماتكمل الدفع بتنزلك الباقه الجديدة وبتكمل معك 30 يوم جديده

اقدر اضيف اضافات على شريحة البيانات ؟

شريحة البيانات ماتقبل اضافات عليها لانها غير مخصصه للمكالمات بتقدر تستمتع فيها كشريحة بيانات

كيف استخدم شريحتي خارج المملكة؟

بتقدر تستخدم الشريحة بشكل طبيعي وانت خارج المملكة بعد ماتشتري باقة التجوال من المتجر - الاضافات

اذا انتهت مدة الباقه وباقي عندي بيانات اقدر استفيد منها بعدين؟

بعد انتهاء الباقه ماراح تقدر تستفيد من البيانات المتبقية.

ايش الاجهزة اللي يشتغل عليها 5G ؟

Apple: iPhone 12 Mini iPhone 12 iPhone 12 Pro iPhone 12 Pro Max iPhone 13 iPhone 13 Pro iPhone 13 Pro Max Samsung: S20 Ultra S20+ 5G Note 10 5G A71 5G S20 FE 5G A42 5G ZFold 2 Note 20 Ultra Note 20+ 5G Xiaomi: Mi 5G Mi J22 Mi K2 Nokia: 8.3 5G Oppo: FindX 2 Pro 5G Reno 4 Pro 5G A73 5G CPH2207 – Not Launched yet. Realme: X50 pro 5G Huawei: Nova 7 5G E6878-370 5G Mate 20X 5G Mate 40 Pro Nova 7 SE P40 P40 Pro H112-370 (CPE Pro) H112-372 (CPE Pro) H112-373 (CPE Pro 2) Motorola:- Moto G Plus 5G Razor 5G Edge+ One 5G Lenovo:- Z6 Pro 5G Vivo:- X50

اقدر اطلع شريحة بيانات مع رقمي ياقوت؟

طبعا تقدر، عن طريق المتجر --> الباقات.

الهدايا

وش هي فكرة الفاوتشرز؟

نوفر فاوتشرز من مجموعة من المتاجر كهدايا رقمية (يعني من جوال لجوال)، راح تسهل عليك الإهداء وتعطي اللي حولك حرية استخدامها

أقدر اهدي شخص ماحمل تطبيق ياقوت؟

بامكانك اهداء اي شخص حتى لو ماحمل ياقوت ، راح توصل له الهدية كرسالة نصية ويقدر بعدها يحمل التطبيق و يستمتع بالهدية و لو كانت الهدية تطبيق لامحدود او اضافة بيقدر يستخدمها بعد مايطلب شريحة من ياقوت بنفس الرقم.

أقدر ارسل الهدية لأي مكان؟

من مميزات ياقوت أنك ترسل الهدية وأنت في مكانك ويستلمونها اللي يعزون عليك على جوالاتهم في نفس الوقت وين ما كانوا بشرط يكون رقمهم سعودي

كيف راح توصل الهدية؟

إذا اللي أرسلت له ماحمل ياقوت راح توصل له الهدية كرسالة نصية يضغط على الرسالة ويستمتع بالهدية واذا محمل تطبيق ياقوت راح توصله على الحساب المسجل فيه نفس الرقم.

كيف أرسل هدية؟ 

الخطوات بسيطة وماراح تأخذ منك وقت! من متجر الهدايا اختر الهدية اللي تحب، بعدها ادخل رقم الشخص اللي راح تهديه أو اختره من جهات الاتصال، كمَل معلومات الدفع وأرسل الهدية بكل الحب! 

أقدر أرسل هدية لنفسي؟

طبعا تقدر .. أنت تستاهل! تقدر ترسل الهدية على رقمك

هل الفاوتشر لمنتجات معينة أو مو محددة؟

لا مو محددة، القسيمة تحتوي على مبلغ معين من المتجر بحيث تكون رصيد في حساب اللي اهديته. ويستخدمها براحته ويختار الهدية اللي بباله

كيف استخدم هدية وصلتني؟

بكل سهوله حدد الهدية اللي وصلتك، راح تظهر لك خطوات الإستفادة منها، اضغط على استخدمها الآن 

إذا الهديه ماوصلت ؟ 

"ودنا نذكرك ببعض الخطوات في حال واجهت صعوبه:
- تأكد من مطابقة الرقم اللي ادخلته مع الرقم الفعلي لصاحب الهدية
- إذا اللي أرسلت له الهديه ماحمل ياقوت راح توصل له الهدية كرسالة نصية على جواله، يضغط على الرسالة ويشوف الهدية  
- اذا جربت كل هالخطوات ومانفعت معك، لاتشيل هم حنا بخدمتك.. زودنا بنوع الهدية ورقم جوالك "

كيف اهدي إضافة؟ 

 من صفحة المتجر اختر الإضافة اللي تناسبك وحط لمستك عليها و اختر سعيد الحظ من جهات الإتصال و راح توصله بنفس الدقيقة على جواله

إذا اهديت شخص إضافة، لازم يكون معه شريحة ياقوت؟

صحيح..الهدية راح توصله! لكن متطلب رئيسي لاستخدام الهدية يكون معه شريحة ياقوت 

إذا ماعرفت استفيد من الهدية ؟ 

"ودنا نذكرك ببعض الخطوات في حال واجهت صعوبه:
- أول شئ تأكد من مطابقة الكود اللي كتبته بالكود الموجود على الهدية من حيث الأحرف كبيرة أو صغيرة
- بعض القسائم تحتاج لوجود حساب أمريكي للاستفادة منها مثل (نتفليكس، سبوتيفاي، أمازون، آيتونز، قوقل بلاي، نينتيندو)
- جربت كل هالخطوات ومانفعت معك؟ لاتشيل هم احنا بخدمتك.. زودنا بكود الهدية ونوعها ورقم جوالك "

شريحتي بيانات اقدر ارسل واستقبل هدايا من ربعي بياقوت ؟

شريحة البيانات ترسل هدايا فقط وماتستقبل

كيف استخدم هدية وصلتني كفاوتشر?

راح تظهر الهدية بالصفحة الرئيسية , اضغط "استخدم الهدية" بعدها تقدر تشوف تفاصيل الهدية و كيفية استخدامها

الدفع

وش طرق الدفع اللي أقدر استخدمها؟

بإمكانك الدفع بالبطاقة الائتمانية "Visa" أو بطاقة السحب الآلي "مدى" أو ماستر كارد او ابل باي

فيه خاصية الدفع عند الاستلام؟

للاسف خدمة الدفع عند الاستلام غير موجودة حالياً، و بإمكانك الدفع بالبطاقة الائتمانية "Visa" أو بطاقة السحب الآلي "مدى" أو ماستر كارد او ابل باي

التوصيل مجاني ؟

نعم، كل اللي عليك تدفع رسوم الباقة و راح توصلك الشريحة لين مكانك

الأسعار تشمل ضريبة القيمة المضافة؟ 

الأسعار ما تشمل ضريبة القيمة المضافة. راح تضاف ضريبة القيمة المضافة على إجمالي الفاتورة

اذا ماقدرت احفظ معلومات الدفع

"ودنا نذكرك ببعض الخطوات في حال واجهت صعوبه:
1. تأكد من مطابقة معلومات الدفع اللي ادخلتها مع الموجودة على البطاقة
2. جرب تعيد تشغيل التطبيق وترجع تدخل البيانات من جديد.
3. تواصل مع البنك الخاص بك لتتأكد إذا كان فيه أي مشكلة على البطاقة
جربت الخطوات السابقة ومانفعت معك؟ لاتشيل هم احنا هنا بخدمتك، ودنا تزودنا باسمك ورقم جوالك المسجل بياقوت وصورة لرسالة الخطأ اللي تظهر لك "

فيه خاصية الدفع عند الاستلام؟ 

للأسف خدمة الدفع عند الاستلام مو موجودة حالياً، و تقدر تدفع بالبطاقة الائتمانية "Visa" أو  بطاقة السحب الآلي "مدى" أو ماستر كارد

كيف طريقة استخدام الكود ؟

"اكتب بيانات بطاقتك في صفحة الدفع
اضغط على ( هل لديك كوبون للخصم؟)
اكتب الكود وفعَله
و مبروك خلصنا !"

كم ياخذ وقت الاسترجاع من التطبيق؟

اذا الغيت طلبك و طلبت استرجاع المبلغ راح يكون في حسابك البنكي خلال 10 ايام من تاريخ رفع الطلب

كيف اجدد عن طريق حساب سداد ؟

ماندعم الدفع عن طريق حساب سداد و طرق الدفع بتكون عن طريق بطاقتك الائتمانية مدى او فيزا او ماستركارد او ابل باي

اقدر استخدم بالدفع بطاقة من بنك غير سعودي ؟

لازم تستخدم بالدفع بطاقة من نوع مدى او فيزا او ماستركادر و بشرط تكون من بنك سعودي

وين احصل فاتورتي ؟

بعد كل عملية شراء تسويها بالتطبيق بنرسلك فاتورة الدفع على الايميل المسجل في التطبيق ، ولو مو موجوده ممكن تشيك على الايميل الغير هام في بريدك الالكتروني

ايش هي خدمة الدفع "تمام" ؟

تمام هي شركة تقنية مالية تأسست عام 2019 في المملكة العربية السعودية وتقدم خدمات التمويل المصغر للمستهلكين في المملكة بشكل فوري وبدون مستندات معقدة او زيارة لفروع البنك تحت إشراف البنك المركزي السعودي.

ايش هي خدمة تمويل المرابحة الرقمية "تمام"؟

خدمة تمويل المرابحة الرقمية "تمام" تقدم لك تمويل فوري لأجهزة ياقوت من ضمن خيارات الدفع.

هل خدمة تمويل المرابحة الرقمية "تمام" تخضع لرقابة البنك المركزي؟

اكيد، شركة تمام للتمويل مرخصة من البنك المركزي السعودي.

كيف أقدر أقدم طلب تمويل المرابحة الرقمية "تمام"؟

ببساطة، اختار"تمام" من خيارات الدفع و بيتم توجيهك لصفحة تمام عشان تكمل التسجيل وتبدأ في طلب التمويل وبيتم احتساب مدى اهليتك بشكل فوري.

اذا انا مقيم أقدر أقدم طلب تمويل المرابحة "تمام"؟

اكيد، تقدر تقدم على تمويل تمام اذا كنت مقيم

ليش ماتوصلني كلمة المرور المؤقتة من أبشر؟

تأكد من رقمك الأساسي المسجل في ابشر، لأن كلمة المرور المؤقته تنرسل من أبشر لرقمك المسجل عندهم

كيف اعرف خطة تمويل المرابحة الرقمي تمام؟

اختر الجهاز الي يعجبك من المتجر بالمواصفات المناسبة لك وراح يظهر لك خيار التمويل مع تمام وموضح فيه الخطة المتاحة بجميع التفاصيل، لكن ماراح يظهر لك اذا كان سعر الجهاز اقل من 3000 ريال.

توصيل

كيف راح توصلني الشريحة ؟ 

بتوصلك لين مكانك، اطلبها ولا تشيل هم المشاوير

كم تاخذ وقت الشريحة لين توصلني؟ 

إذا طلبت شريحتك بيظهر لك يوم التوصيل وتقدر تختار الوقت اللي يناسبك 

اقدر اطلب شريحة وتوصلني بنفس اليوم؟

طبعاً تقدر! لما تظهر لك صفحة التوصيل حدد الوقت اللي حاب توصلك فيه الشريحة

هل توصيل الشريحة متاح لجميع مدن المملكة؟ 

التوصيل متاح في الرياض، جده ، مكه ، الدمام ، الخبر ، الظهران ، القطيف ، المدينة المنورة ، أبها ، بريدة ، عنيزة

التوصيل مجاني ؟

صحيح التوصيل مجاني، يعني كل اللي عليك تدفع رسوم الباقة و راح توصلك الشريحة لين مكانك.

فيه أوراق يحتاجها موظف التوصيل عند توصيل شريحتي؟ 

مايحتاج أوراق ولا شي، كل اللي عليك تستلم شريحتك

كيف راح تأخذون بصمتي لتفعيل الشريحة؟ 

ماراح نتعبك ولاشئ، راح نطابق بصمتك من أبشر  

شريحتي تاخرت؟ 

ودنا تتأكد ان فتره التوصيل المسجله بصفحة الاستخدام انتهت و من رقم التواصل المسجل في الطلب شغال معك عشان يقدر يوصلك المندوب. تأكدت و للحين ماوصلك الطلب ؟
ولايهمك زودنا برقم الطلب للتحقق منه و أبشر باللي يرضيك.

عندي ملاحظة على جودة التوصيل ؟ 

نهتم كثير فيكم وفي ملاحظاتكم، وفي حال كان عندك أي ملاحظة شاركنا إياها

شريحتي المدمجة كيف راح توصلني؟

نطمنك ان الشريحة المدمجة ( الالكترونية) ماتحتاج الى توصيل و امورك اللحين تمام بس تحتاج تكمل تفعيلها من التطبيق و بتنورنا

ابي اغير وقت التوصيل لوقت لاحق

مشغول وماقدرت تستلم شريحتك ولايهمك بتقدر تبلغ المندوب اذا تواصل معك بأنك تبي التوصيل بوقت ثاني و تقدر تعيد جدولة طلبك من التطبيق للوقت اللي تبي فيه التوصيل من جديد.

ابي اتواصل مع المندوب

لاتشيل هم حنا ريحناك و المندوب بنفسه بيكلمك على رقم التواصل بأسرع وقت.